• مۇراجەتنامە
  • زاۋۇت
  • مۇراجەت
  • ئېچىملىك سۇ
  • پۇتۇن

    بۇ 11 خىل ئۇسۇل سىزنىڭ سېتىشتىكى خىزمەت نەتىجىڭىزنى يۇقىرى كۆتۈرىدۇ

    مەنبە : www.uycnr.com
    يوللانغان ۋاقىت : 11:30 08-01-2018
    تەھرىر : مىھراي
    چوڭ
    ئوتتۇرا
    كىچىك
    خەت چوڭ - كىچىكلىكى >>


    Entrepreneur خەۋىرىگە ئاساسلانغاندا، سېتىش ساھەسى تىز سۈرئەتتە تەرەققىي قىلىدىغان ھەمدە ئۈزلۈكسىز يېڭى رىقابەت رەقىب بىلەن يېڭى خېرىدارغا ماسلىشىشقا ئېھتىياجلىق ساھە. شۇنىڭ ئۈچۈن، سېتىش خادىملىرى ئۈچۈن ئېيتقاندا، ئىنتىلىشنى سىجىل مۇكەممەللەشتۈرۈش ئىنتايىن مۇھىم.

    تۆۋەندىكى بۇ 11 خىل ئۇسۇل ئارقىلىق سىزنىڭ سېتىش نەتىجىڭىزنى يۇقىرى كۆتۈرۈپ، سېتىش تەنەرخىڭىزنى تۆۋەنلەتكىلى بولىدۇ.

    1. كۆرۈش بۇلۇڭى ۋە ئېنىقلىق دەرىجىسىنى تەكىتلەش. ئۆزىڭىزنىڭ سودا مۇھىتىڭىزنى تولۇق چۈشەنسىڭىز سېتىشتىكى بايانىڭىزنى خاسلاشتۇرۇش ۋە يۇقىرى كۆتۈرۈشكە پايدىسى بار. ئۇچۇرنىڭ يىتەرسىز بولۇشى، ئىككىلىنىپ بىر قارارغا كېلەلمەسلىكنى كەلتۈرۈپ چىقىرىدۇ. بىلىشىڭىز كېرەككى، سېتىش داۋامىدىكى ئىككىلىنىش سودا پۇرسەتلىرىنى قولدىن بېرىپ قويۇپ ئۈمىدسىزلىنىدىغان نەتىجىنى كەلتۈرۈپ چىقىرىش مۇمكىن. شۇنىڭ ئۈچۈن، سېتىشتىن بۇرۇن، ئالدى بىلەن بىر قىسىم دائىم كۆرۈلىدىغان مەسىلىلەرنى ھەل قىلىش، بولۇپمۇ نىشانلىق كىشىلەر توپىنى كۆزدە تۇتۇپ، خام چوت چەكلىمىسى ۋە ماركىتىڭ شەكلىنى ھەل قىلىش كېرەك. ھەر قانداق ئىشنى باشلاشتىن بۇرۇن، بۇ مەسىلىنى چوقۇم ھەل قىلىش كېرەك. بۇنداق قىلىشنىڭ سەۋەبى ناھايىتى ئاددىي بولۇپ، بەلكىم سىزنىڭ سېتىش نەتىجىڭىزنى يۇقىرى كۆتۈرشىڭىزگە پايدىسى بولۇشى مۇمكىن.

    2. بېكىتكەن نىشاننى تىرىشىپ ئىشقا ئاشۇرۇش. ئۆزىڭىز بېكىتكەن پائالىيەت نىشانى، ئۆزىڭىزنىڭ سېتىش ۋەزىپىڭىزنى ئاسانلا ئورۇنداشقا پايدىسى بولىدۇ. بېكىتكەن نىشان بولسا ھەر قېتىم تېلېفوندا تەۋسىيە قىلىش، ھەر كۈنى قانچىلىك تېلېفون ئۇرۇش، ھەر ئايدا قانچىلىك تەكلىپ بېرىش، ياكى قانداق قىلىپ نەتىجىگە ئېرىشىشنى تېزلىتىش قاتارلىقلارنى ئۆز ئىچىگە ئالىدۇ. ئۇنىڭدىن باشقا، نەتىجىڭىزنى خاتىرىلەپ تۇرىسىز، شۇنداق بولغاندا سىز تەڭپۇڭلۇقنى، سۈرئەتنى ئۆلچەپ، ئۆزىڭىزنىڭ تۈرلۈك ئىپادىلىرىڭىزنى ياخشىلىيالايسىز. نىشان بولغانىكەن، سىز زېھنىڭىزنى تېخىمۇ يىغىپ پائال ھەرىكەت ئېلىپ بارالايسىز.

    3. خېرىدارلارنى قالتىس مۇلازىمەت بىلەن تەمىنلەش. ناھايىتى ياخشى بولغان خېرىدارلار مۇلازىمىتى سىزگە رىقابەت ئىچىدىكى ئۆزىڭىزنىڭ كارامەتلىرىنى نامايان قىلىشتىكى ياخشى بىر ئۇسۇل. چۈنكى نۇرغۇن مال ساتقۇچىلارنىڭ ھازىرقى خېرىدار بىلەن سېتىش يوللىرى كەمچىل. خېرىدارلارنىڭ ئېقىپ كېتىشىنىڭ ئالدىنى ئېلىش ئۈچۈن، سىز بىر جانلىق بولغان خېرىدار ۋە سېتىش يوللىرىغا مۇناسىۋەتلىك ئېلېكترون نۇسخىدىكى جەدۋەل تۈزۈپ چىقىپ، يېقىنقى ئالاقە ۋاقىتلىرىنى كىرگۈزۈپ مېڭىشىڭىز كېرەك. بۇنداق بولغاندا، سىز كىم قايسى خېرىدارغا ئەگىشىۋاتىدۇ ياكى قايسى سېتىش يوللىرىنى قوللىنىۋاتىدۇ كۆرەلەيسىز، شۇنىڭ بىلەن بەك ئاشۇرۇپ قىزغىن مۇئامىلىدە ۋە سوغۇق مۇئامىلىدە بولمايسىز.

    4. خېرىدارلارنىڭ ئېھتىياجىنى ھەل قىلىش. ئەگەر خېرىدارلارنىڭ ئاساسىي ئېھتىياجى قاندۇرۇلمىسا، ئۇنداقتا مەھسۇلات ياكى مۇلازىمەتتە كۆپ سېتىلىش بولمايدۇ. مەيلى سىز نېمە سېتىڭ، چوقۇم نىشانلىق خېرىدارلارنى ئېنىق چۈشنىشىڭىز كېرەك، بولۇپمۇ شۇ مەھسۇلات ۋە مۇلازىمەت ئارقىلىق خېرىدارلارنىڭ تۇرمۇشىنى ياخشىلاشنى نىشان قىلىشىڭىز كېرەك. مۇلازىمەت ياكى مەھسۇلاتتىكى ئىقتىدارنى تەكىتلەش ئارقىلىق بۇ خىل ئېھتىياجنى تەكىتلەش، سىزگە پۇل ۋە ۋاقىت تېجەپ بېرىدۇ. سىز ساتىدىغان مەھسۇلات ياكى مۇلازىمەت بىلەن نۆۋەتتىكى خېرىدارلار ئىگىدارلىقىدىكى مەھسۇلات ۋە مۇلازىمەت ئوتتۇرىسىدا سېلىشتۇرۇش ئېلىپ بارغاندا، مەھسۇلات ياكى مۇلازىمەت دەرىجىسىنى يۇقىرىلىتىش قىزغىنلىقىنى يۇقىرى كۆتۈرگىلى بولىدۇ.

    5. مەسىلە ۋە ئۇسۇلىڭىزنى ياخشى پىلانلاڭ. ئالاھىدە ئەھۋالدا، ئۆزلۈكىدىن پەيدا بولغان بولسا ئىنتايىن ياخشى ئىش. بىراق، سىز خېرىدارلارنى يوشۇرۇن كۆزەتكەندە، ئەڭ ياخشىسى يەنىلا پىلانلاش خىزمىتىنى ياخشى ئىشلەپ، رەت تەرتىپى، باغلىنىشچانلىقى، قىزىق بولغان بىۋاسىتە مەسىلىلەرنى رەتكە تۇرغۇزۇشىڭىز كېرەك. بۇ مەسىلەر ئېھتىمال ئۇلارنىڭ نۆۋەتتىكى بۇ مەھسۇلات ياكى مۇلازىمەتنى ئىشلىتىش ئارقىلىق ئۆزىنىڭ ئېھتىياجىنى قاندۇرۇشقا مۇناسىۋەتلىك بولۇشى مۇمكىن، شۇنداقلا ئۇلارنىڭ ئومۇمىي رازىمەنلىك دەرىجىسى ۋە يېڭى شەيئىلەرنى قوبۇل قىلىش دەرىجىسىگە مۇناسىۋەتلىك بولۇشىمۇ مۇمكىن. ئۇنىڭدىن باشقا، ئۇلار بەلكىم سوراش ئېھتىماللىقى بولغان مەھسۇلات ياكى مۇلازىمەتنىڭ ئىقتىدارى ۋە ئەۋزەللىككە ئىگە ئالاقىدار مەسىلىلەرگە ئوبدان تەييارلىق قىلىشىڭىز كېرەك. مۇشۇنداق بولغاندا، سىز مەسىلىلەرگە راۋان جاۋاب بېرەلەيسىز.

    6. ئۆزىگە تەمەننا قويمىغان ئەھۋالدا مەسئۇلىيەتنى ئۈستىگە ئېلىش. بىر مۇۋەپپەقىيەت قازانغان سېتىش كوللېكتىپىنىڭ بارلىق ئەزالىرى ئورتاق نىشاننى ئىشقا ئاشۇرۇش ئۈچۈن تىرىشىشى كېرەك. ئەترەت رەھبىرىنىڭ تەمكىن، سالماق، ياخشى بولغان سېتىش كەسپى ئەخلاقى بولۇشى كېرەك. ماختاش گەرچە سېتىش نىشانىنى ئىشقا ئاشۇرغان ئەزالارنىڭ خىزمەت ئۈنۈمىنى ئاشۇرۇشقا پايدىسى بولسىمۇ، بەزى ئەزالار كوللېكتىپ ئىچىدە تېخى ئۆز نىشانىغا يەتمىگەندە، باشقا ۋەزىپىسىنى تاماملىغان ئەزالار ئۇلارنى كەمسىتمەسلىكى لازىم، بۇ ناھايىتى مۇھىم.

    7. ۋاقىت ئۈنۈمىنى ئەڭ چوڭ قىلىشنى ئەمەلگە ئاشۇرۇشقا كۈچ چىقىرىش. كىشىلەر ئوخشىمىغان ئۇسۇلدا ئۆزىنىڭ ۋاقتىنى باشقۇرىدۇ، ئەمما ئوخشاش بولمىغان كىشىلەرنىڭ باشقۇرۇش ئۇسۇلىمۇ ئوخشاش بولمايدۇ. بەزى كىشىلەر تېخى ئەنئەنىۋى خاتىرىلەش ئۇسۇلىنى قوللىنىدۇ، بەزى كىشىلەر بولسا ۋاقىت پىلانلايدىغان پروگرامما ئىشلىتىدۇ. سېتىش داۋامىدا، مۇۋەپپەقىيەت قازىنىشقا نىسبەتەن ئېيتقاندا ۋاقىت باشقۇرۇش ناھايىتى مۇھىم، چۈنكى ھەر خىل ۋەزىپىلەر بار. جۇغراپىيىلىك خەرىتە سىزىش، نىشان بېكىتىش، يىغىن ۋە باشقا ئىشلارغا ئەگىشىپ، ئالدىراش بىر كۈنى شەكىللىنىدۇ، شۇنىڭ بىلەن بىر-ئىككى تۈرلۈك ۋەزىپىلەردە ئۇنتۇلۇپ قېلىش سەۋەبىدىن قالايمىقانچىلىق كېلىپ چىقىدۇ. سىز ئىشلەتكەن ۋاقىت باشقۇرۇش ئۇسۇلى ياكى پروگرامما تەرتىپى ئارقىلىق كۈن تەرتىپى قالايمىقانلىشىپ كېتىشنىڭ ئالدىنى ئالسىڭىز بولىدۇ.

    8. ئەقىل بىلەن سېتىشنى نازارەت قىلىش. سېتىش ئۆلچىمى سىزگە ساتقۇچى ئۆمەكلەرنىڭ قىممىتىنى ھېسابلاش بېرىشكە ياردىم قىلىدۇ. نۇرغۇن كارخانىلار بېكىتكەن نورما، سېتىش خادىمىنىڭ سۈرئىتىنى ئۆلچەشتە ئۇلارنىڭ ئەمەلگە ئاشۇرغان نورما ئىقتىدارىنى ئاساس قىلىدۇ. ئۇنىڭدىن باشقا، كوللېكتىپ ھەمكارلىقى ئىنتايىن مۇھىم. شۇنىڭ ئۈچۈن، ھەر بىر كوللېكتىپ ئەزالىرىنىڭ ۋەزىپىسىنى ئېنىق چۈشىنىش ناھايىتى مۇھىم، بۇنداق بولغاندا كوللېكتىپ ئەزالىرى خىزمەتنى ياخشى قىلغان ئەھۋال ئاستىدا نامۇۋاپىق باھالاپ قويۇشتىن ساقلانغىلى بولىدۇ.

    9. مۇمكىن بولسا، راست سۆزلەڭ. گەرچە كۆپ ساندىكى يوشۇرۇن خېرىدارلار ئېھتىياجلىق بولغان قايىل قىلىش كۈچىگە ئىگە ئۇچۇر، ئېلخەت ياكى ئاۋازلىق ئۇچۇر قاتارلىق سېتىش ئۇچۇرلىرى بويىچە مەھسۇلات ياكى مۇلازىمەت ئۇچۇرلىرى توغرا يەتكۈزۈلۈشى كېرەك. يوشۇرۇن خېرىدارلار دائىم سىز بىلەن بىۋاسىتە سۆھبەتلىشىشنى ياخشى كۆرىدۇ، چۈنكى ئۇلار بەزى مەسىلىلەرنى سورىيالايدۇ، بۇ مەسىلىلەر ئۇلارنىڭ سېتىۋېلىش قارارىغا نىسبەتەن ئىنتايىن مۇھىم. يۈز تۇرانە پاراڭلىشىش ئارقىلىقمۇ سېتىش خادىملىرى خېرىدارلارنىڭ ئېھتىياجىنى چۈشىنەلەيدۇ، ھەمدە قانداق قىلغاندا ئېھتىياجنى قاندۇرۇش ھەققىدە چۈشەنچىگە ئىگە بولالايدۇ.

    10. قارشىلىققا ئۇچرىغاندا سوغۇققان بولۇش. سېتىش جەريانىدا، سېتىش خادىمى مۇلازىمەت ياكى مەھسۇلات سېتىۋالغۇچىلار تەرىپىدىن قەستەن تەنقىدكە دۇچ كېلىشى مۇمكىن. گەرچە ئۇلار تېلېفوننى قويۇۋەتسىمۇ، بۇ خىل ئەھۋال سىزنى بىر قېتىملىق ئۆگىنىش پۇرسىتى بىلەن تەمىنلىشى مۇمكىن. قارىماققا سېتىش يوللىرىدا نۇرغۇن قىيىنچىلىققا دۇچ كەلسىڭىزمۇ، سىز بۇ سۆھبەتنى كەلگۈسىدىكى خېرىدارلار بىلەن ئالاقە باغلىغاندا قىيىنچىلىقلارنى ھەل قىلىشنىڭ پۇرسىتى دەپ بىلسىڭىز بولىدۇ. ئۇنىڭدىن باشقا، سوغوققان بولۇپ شۇنداقلا باشقىلارنىڭ كۆز قارىشىنى قوبۇل قىلىپ، باشقىلارنىڭ ئىشەنچىسىگە ئېرىشسىڭىز، بەلكىم ئەڭ ئاخىرىدا سېتىشتا مۇۋەپپەقىيەت قازىنىشىڭىز مۇمكىن.

    11. خېرىدارلارنىڭ ئويى ۋە ئەندىشىسىنى يوشۇرۇن ئاڭلاش. ئەگەر يوشۇرۇن خېرىدارلارنىڭ دىققىتى ۋە ئىشەنچىنى ئىگىلىمەكچى بولسىڭىز، سىز چوقۇم ئۇلارنىڭ ئوي-پىكرى ۋە ئەندىشسگە دىققەت قىلىشىڭىز كېرەك. نەزەرىيە جەھەتتىن ئېيتقاندا، سىز سۆھبەت جەريانىدا تەبىئىيلا ئۆزىڭىزنىڭ سېتىش كۆز قارىشىڭىزنى ئوتتۇرىغا قويۇش بىلەن بىللە، ئۇلارنىڭ سوئالىنى ھەل قىلالايسىز، ھەم مەھسۇلات ياكى مۇلازىمەتتىن ئۇلارنىڭ بەھىرلەندۈرۈشنىڭ سەۋەبىنى ئوتتۇرىغا قويالايسىز.

    ھەر بىر سېتىش خادىمى ئۈچۈن ئېيتقاندا، يۇقىرىقى 11 خىل ئۇسۇل ئىنتايىن مۇھىم. بۇ ئۇسۇللار ئۇنىڭغا ياردەم قىلىپلا قالماي، سېتىش كوللېكتىپىدىكى باشقا ئەزالار بىلەن ياخشى مۇناسىۋەت ئورنىتىشقا پايدىسى بار، شۇنىڭ بىلەن بىللە يەنە رىقابەتتە ئېتىراپ قىلىشقا ئېرىشەلەيدۇ.

    «جۇڭگو رادىيو تورى»

    مەزمۇن ئاستى 660-50
    كۈرۈش4
    كۈرۈش بەت3
    توك پار
    مۇشۇ تۈردىكى ئەڭ يېڭى خەۋەرلەر
    بەخىت دوختۇر خانىسى