• مۇراجەتنامە
  • زاۋۇت
  • مۇراجەت
  • ئېچىملىك سۇ
  • پۇتۇن

    ياتاق ئۆينى بېزەش ۋە ئىشلىتىشنىڭ توققۇز ئۆلچىمى

    مەنبە :
    يوللانغان ۋاقىت : 15:21 01-12-2017
    تەھرىر : مىھراي
    چوڭ
    ئوتتۇرا
    كىچىك
    خەت چوڭ - كىچىكلىكى >>


    تامنى كۆك رەڭدە سىرلاش كېرەك: ئەنگىلىيەدە 2000 ئائىلىگە قارىتا ئېلىپ بېرىلغان بىر قېتىملىق تەكشۈرۈش نەتىجىسىدىن كۆرسىتىلىشچە، رەڭنىڭ ئۇخلاش ۋاقتىنىڭ ئۇزۇن-قىسقىلىقىغا كۆرسىتىدىغان تەسىرى ئىنتايىن روشەن بولىدىكەن. بىنەپشە رەڭ، كۈل رەڭ، قىزىل رەڭ، ئالتۇن رەڭ ۋە قۇڭۇر رەڭدە سىرلانغان ئۆيدىكى كىشىىلەرنىڭ ھەر كۈنلۈك ئۇخلاش ۋاقتى يەتتە سائەتتىن قىسقا بولىدىكەن؛ كۈمۈش رەڭ، يېشىل رەڭ ۋە سېرىق رەڭدە سىرلانغان ئۆيدە يەتتە يېرىم سائەتتىن يۇقىرى بولىدىكەن؛ كۆك رەڭدە سىرلانغان ئۆي 7 سائەت 52 مىنۇت بىلەن ئەڭ يۇقىرى ئۇرۇندا تۇرغان، شۇڭا ئۇخلاشقا ئەڭ پايدىلىق رەڭ دەپ ئاتالغان.

    كارىۋات بەك قاتتىق بولماسلىقى كېرەك: ماتىراس(كارۋات سېلىنجىسى)نى ياخشى تاللاش كېرەك، بەك قاتتىق ياكى بەك يۇمشاق بولسىمۇ بولمايدۇ. ياستۇقنىڭ ئېگىزلىكىنى ئادەتتە ياستۇققا باشنى قويغاندىن كىيىن كارىۋاتتىن بىر مۇشت ئېگىزلىكتە بولىدىغان ھالەتتە كونتىرول قىلىش كېرەك. يوتقانغا چۈمكىنىۋالغاندا نەپەس ئېلىشقا تەسىر كۆرسىتىدۇ، شۇڭا يېنىك، نېپىزنى تاللاش كېرەك، ئەڭ ياخشىسى ئىسسىق ساقلايدىغان مامۇق يوتقان بولۇشى كېرەك.

    كارىۋات بېشىغا ئۈستەل چىرىقى قويۇپ قويۇش كېرەك: ئۇخلاشتىن بۇرۇن يۇرۇقلۇق دەرىجىسى تۆۋەنرەك بولغان ئۈستەل چىرىقى ئىشلىتىش كېرەك، ياتاق ئۆينىڭ يۇرۇقلۇقىنى غۇۋا ھالەتتە قىلغاندا ئۇيقۇغا پايدىسى بولىدۇ. ياتاق ئۆيگە سېرىق رەڭ قاتارلىق ئىسسىق رەڭلىك نۇر چىقىرىدىغان لامپۇچكا ئېسىش كېرەك، تامغا ئامال بار ئەينەكتىن ئىشلەنگەن بىزەك بۇيۇملىرىنى ئاسماسلىق كېرەك.

    ئېلېكتىرونلۇق ئۈسكۈنىلەرنى ئاز قويۇش كېرەك: ياتاق ئۆيگە ئېلېكتىرونلۇق ئۈسكۈنىلەرنى ئاز قۇيۇش ياكى قويماسلىق كېرەك، بولۇپمۇ تېلىۋىزور، كومپيوتېر قاتارلىق ئېلېكتر ماگنىت دولقۇنى قۇيۇپ بېرىدىغان ئېلېكتىرونلۇق ئۈسكۈنىلەر ئۇيقۇغا ۋە ئەر- ئاياللىق تۇرمۇشقا تەسىر كۆرسىتىدۇ ھەم ئۇلار چاڭ- توزاننى كۆپ سۈمۈرۋالىدىغان بولغاچقا دائىم تازىلاپ تۇرۇشقا توغرا كېلىدۇ.

    ئىككى قات دېرىزە پەردىسى ئېسىش كېرەك: ئىككى قات دېرىزە پەردىسى تىنىچ، قاراڭغۇ بولغان ئۇخلاش مۇھىتى يارىتىپ بېرىدۇ. بولۇپمۇ دېرىزىسى جەنۇپ تەرەپكە قارىغان ئۆيلەردە قۇياش نۇرىنىڭ چۈشىشى يېتەرلىك بولغاچقا، كېچە- كۈندۈزلۈك پەردىنى تاللاپ ئىشلىتىش كېرەك، بۇ خىل پەردىنىڭ ئىككى قەۋىتى ئوخشاش بولمىغان ئىككى خىل ماتىريالدىن ياسالغان، بىرىنىڭ نۇر ئۆتكۈزۈشچانلىقى ياخشى، يەنە بىرىنىڭ نۇر تۇسۇشچانلىقى ياخشى بولۇپ ئېھتىياجغا قاراپ تاللاپ ئىشلىتىشكە بولىدۇ.

    ھاۋا ئالماشتۇرۇپ تۇرۇش كېرەك: سىرتنىڭ ھاۋاسىغا قاراپ ئۆينىڭ ھاۋاسىنى ئالماشتۇرۇپ تۇرۇش ئۆي ئىچىدىكى بۇلغانغان ھاۋانى ئازلىتىشتىكى ئەڭ ياخشى ئۇسۇل. ئۇنىڭدىن باشقا، ھاۋا ساپلاشتۇرغۇچنى ئىشلىتىشمۇ ياتاق ئۆي ئۈچۈن ئىنتايىن مۇھىم.

    چوڭ تەشتەكلىك گۈللەرنى قويماسلىق كېرەك: فوتوسىنتېز رولى ئارقىلىق ئۆسۈملۈكلەر كۈندۈزى كاربون Ⅳئوكسىدنى سۈمۈرىدۇ، لېكىن كېچىسى بولسا ئادەم بىلەن ئوكسىگېن تالىشىدۇ، ھەمدە كاربون Ⅳئوكسىد قاتارلىق بۇلغانما گازلارنى قويۇپ بېرىدۇ. شۇڭا ياتاق ئۆيگە چوڭ تەشتەكلىك گۈللەرنى قويماسلىق كېرەك، قويغاندىمۇ ئاخشىمى ئېلىپ چىقىۋېتىش ئارقىلىق ئوكسىگىن يېتىشمەسلىكنىڭ ئالدىنى ئېلىش، ئەڭ ياخشىسى سىكىنداپسۇس، قىزەنگۈل قاتارلىق كىچىكرەك بولغان گۈللەرنى تاللاش ھەمدە ئۈچ تەشتەكتىن ئېشىپ كەتمەسلىك كېرەك.

    قەرەللىك ھالدا تازىلاپ تۇرۇش كېرەك: ھەر كۈنى ئورنىدىن تۇرغاندىن كېيىن يوتقاننى قېقىش، كىرلىكنى رەتلەش، كارىۋات ئىشكابىنى سۈرتۈش كېرەك؛ ھەپتىدە بىر قېتىم چىراغدىكى چاڭ- توزانلارنى سۈرتۈش، كىرلىكنى ئالماشتۇرۇش، ئۆي سايمانلىرىنى ۋە پولنى سۈرتۈش كېرەك. ھەر پەسىلدە بىر قېتىم دېرىزىنى سۈرتۈش، ماتىراس(كارۋات سېلىنجىسى)نى ئۆرۈپ بىرىشكە كاپالەتلىك قىلىش كېرەك.

    نەرسىلەرنى جۈپى بىلەن تىزىش كېرەك: ياتاق ئۆيدىكى كارىۋات ئىشكابى، ئۈستەل چىرىقى ۋە ئاسما رەسىم قاتارلىقلارنى ئەڭ ياخشىسى جۈپ ھالەتتە تىزىش كېرەك، مۇشۇنداق بولغاندا ياتاق ئۆيگە تېخىمۇ ئىللىق تۈس قوشىدۇ ھەمدە ئۇيقۇنىڭ ياخشى بولۇشىغا كاپالەتلىك قىلغىلى بولىدۇ. ئۆي ئىچى رەتسىز بولسا ئاسانلا ئادەمنى زىرېكتۇرىدۇ. ھەممەيلەن پارچە- پۇرات ئۇششاق نەرسىلەرنى ئۆزلىرى ياخشى كۆرىدىغان سىۋەت ياكى قاپقا سېلىپ ئېغىزىنى مەھكەم ئېتىپ قويۇش كېرەك. كارىۋات قويغان جايمۇ ئىنتايىن مۇھىم، ئەڭ ياخشىسى كارىۋاتنىڭ بىر تەرىپىنى تامغا يۆلەپ قويۇش كېرەك.

    «شىنجاڭ گېزىتى»

    مەزمۇن ئاستى 660-50
    كۈرۈش4
    كۈرۈش بەت3
    توك پار
    مۇشۇ تۈردىكى ئەڭ يېڭى خەۋەرلەر
    بەخىت دوختۇر خانىسى